BIBLIOTECA CREATIVA_COMPETENCIA DIXITAL

 O alumnado de 1º de EP  participou nun obradoiro coa placa MAKEY, MAKEY, como parte do proxecto Biblioteca Creativa, promovido pola Asesoría de Bibliotecas Escolares e do que forma parte a Biblioteca desde hai uns anos. 
Almudena Alonso foi a encargada de impartir a formación, trouxo as placas para realizar o obradoiro e deixou unha no centro. Achegaron tamén diferentes materiais e traballaron na aula cos ordenadores portátiles da biblioteca.

BERGONDO EN FEMININO. ROTEIRO POLAS MULLERES DE BERGONDO

 

https://bergondo.gal/descubre-bergondo/bergondo-en-feminino/

Varios cursos de 1º, 2º e 3º ESO participan neste curso na actividade "Bergondo en feminino" organizada polo concello de Bergondo. Nesta ruta por diversos lugares de Bergondo o noso alumnado tivo a ocasión de coñecer a historia e a importancia de mulleres relacionadas co noso concello. En Moruxo, presentouselles a prolífica obra da escritora galega Filomena Dato. No Pazo de Mariñán coñeceron a historia de Inés de Ribadeneira, noble que estivo a piques de morrer asasinada polo seu marido. En Lubre destacaron a figura de Maruxa do Chelo, comadroa que axudou a traer ao mundo a máis de 800 bebés. Por último visitaron a Quinta do Cortón, en Vixoi, onde se lles resaltou a figura da mestra Jacinta Landa. Tamén lles falaron da vida doutras mulleres de Bergondo como Xabiela Fraga, Luisa Viqueira ou Josefa Crespo.

DÍA DO LIBRO 2025_MERCADILLO SOLIDARIO

 

Este ano organizamos un Mercadillo Solidario para celebrar o día do libro. Recollemos doazóns de libros do alumnado e as súas familias para vendelos a precios populares. Todos colaboramos, tanto os que doamos como os que mercamos e tamén os que estiveron nos postos de venta.

A recadación (453€) foi doada ao IES Massanassa, un centro educativo situado na localidade valenciana de Massanassa, unha das máis afectadas pola DINA que asolou Valencia.

Queda este vídeo para lembrar o bo ambiente dese día.

AS CANTAREIRAS NA SENRA

 

O luns día 5 de maio pola tarde todo o alumnado da ESO estivemos con Icía do Manso e Xosé Manuel Varela Varela na Senra. Viñeron presentar Cantareiras, publicación na que fan un percorrido polas pandereteiras ás que se dedica o Día das Letras Galegas 2025. Acompañounos tamén Juan José Alvite, veciño de Bergondo e fillo de Eva Castiñeira, unha das mulleres homenaxeadas.

Organizou o Departamento de Lingua e Literatura Galega, Biblioteca e o Edlg Cruz do Sar coa colaboración do Concello de Bergondo.

BIBLIOTERRAZA ABERTA!!

 

DÍA DAS ARTES GALEGAS. ISAAC DÍAZ PARDO

 

O pasado día 1 de abril celebramos o Día das Artes Galegas dedicado este ano a Isaac Díaz Pardo. O alumnado de Educación Primaria decorou un prato facendo referencia a figura de Isaac e ao seu traballo como ceramista. O alumnado de 5º tamén decorou unha máscara inspirándose nas elaboradas en Sargadelos

OBRADOIRO DE REGUEIFA NA BIBLIOTECA

 O luns 7 de abril, o alumnado de 2° da ESO participou no Obradoiro de regueifa impartido por Lupe Blanco. Da man da regueifeira de Coristanco aprenderon cal é a orixe da regueifa, como se crea e como se canta de maneira moi activa e lúdica.